Zuala / Aizawl Post
Subscribe to:
Post Comments (Atom)
skip to main |
skip to sidebar
Search
Kan blog tlawh thin te chungah a hmasa berin lawmthu kan sawi a. Kan blog a thlalak te hi he blog buaipuitute mai bakah kan thian tha leh thawhpui hrang hrangte lakkhawm a ni a, chanchinbu-ah credit pe mumal si lo a chhuahchhawn ka'n hmu ta zeuh zeuh a. Hei hi awm lo kan ti a, chhuahchhawn dawn chuan in hriattir hmasak emaw credit mumal taka pek ngei nise a duhawm hle ang.
Lunglen
Mihringte hi kan lungleng thin. Mihring pangngai tan lunglen hi pumpelh theih pawh a ni kher lo ang. Lunglen chhan chu engpawh ni se, ngaihzawngte ngaih vang, thiante ngaih vang, chhungte ngaih vang, nunhlui ngaih vang, khawtlang lunglen an tih te, chhan leh vang pawh hriat theih loha lunglen ve hrim hrim pawh ni se, thenkhatin lunglen hi nuam an ti a, thenkhatin nuam an ti lo a, a tihreh dan an zawng thin.Mi tute emaw chu an lungleng a, a tihreh dan zawngin an hmanhlel a. An lunglen chu tihreh an tum avangin an tireh ta em erawh chu hriat va ni kher suh.Lunglen hi tihreh tum tur a lo ni lo. Tu emaw ngaih vang emaw, nunhlui ngaih vang emaw, khawthlang thil vang emawa lung a han leng vang vang mai hian a nuam thin. Chuvangin tihreh tum suh. Tuar tawp mai la, lungleng theia i awm leh lunglenna chhan tur i nei a, i vannei ngawt asin.
Duat i duh em?
'Duat' tih tawngkam hi mipa tawngka chhuak atan chuan a no deuh nghialin a lang tak na-in, Mizo tlangval/rawlthar tam tak hi duat sual an ni tih i ngaihtuah ngai em? Duat chu mipa thiam loh em ni? Mipain hmeichhia a duat loh hian mipa zei lo tihna em ni? Keia ngaih ve dan mawl takah chuan, induatna hian no-na a thlen a, he no-na hian pangchanna chauh a hring lo, nun piangsual a hring thei. I fa chu taksa lamah piansualna nei lo mah se, piangsual tura i duh chuan duat tawp mai rawh - a rilru a khawlo ngei ang. He induatna hian chhelna a hnawt bo a, tawrhna hlutzia a nuai bo a, tumruhna chu engmah lovah a chantir thin tih i muthmuna lo ngaihtuah ve chhin mai mai teh. Duat nih i duh chuan, i thlarau leh i engkim, Pathianin nangmaha a 'thawk khum amah ang' kha a bo dawn...!
Oh! Computer!!
'Khawlthluaknei' an ti a, chu chu scientist hovin an hman thin thu kha kan hre ve a, khawlthluaknei-in he Zoram-in a rawn hre ve ang tih lam reng reng kan ngaihtuah pha ngai lo. Kha khawlthluaknei kha 'Computer' an rawn ti leh a, chumi rual deuh chiah chuan "Computer-in kum 2000 a hmu thei ta lo!" an ti a, khawvel hi tawp tawh mai tur angin pulpit thenkhatahte chuan an sawi hman hial a, a intithlarau mite phei chuan an sawi 'hnai' vet vet khawp mai! Mahse hei, a tawp ta hrih lo chu a ni phawt a, a ngai te te-in computer pawh kan chhu ri leh tliar tliar a, kum 2000 hnu lamah phei chuan khawvel hmuh theih loh chu sawi loh, kan bula mite pawh hmu hman mang lo zawkin Internet lipuiah kan inchiah ta barh barh chu a nih hi le! Hei hi hmasawnna chi khat chu a ni a, hei hi tunlai thiamna chu a ni. Mahse a tunlai apiang bawh thinte an talbuai fo a, Mizo thalaite u, khawvel thiamna hi 'tunlai' nana hmang ngawt lovin, finna leh hriatzauna'n aw...
Tu nu bawp sei sei?
Tribal chawn ping tlei tlawi ni thin kha, kum zabi tharah chuan a tlawn sei ve ta zuah mai! Mizo nulate pawh an model pian tan ta zaih a, hei hian kan tunlai khawvela Mizoram dinhmun a pholang em? Mizote hian hma kan sawn zel a, kan taksa paw'n hma a sawn. Hnam dangte pian chauh a nalh tawh lo va, Mizo nula pian pawh a nalh ta viau mai. Pianah chauh ni lovin, kan rilru, thluak, thinlung leh kawng engkimah hian hnam changkangte tih dan entawn ila, hlawhtling tura an taihmakzia leh an dawhtheihzia te.. etc entawn zel ila, Zofate bawp hi Zoramah chauh sei lovin, hnam dang hnehna'n paw'n sei ve tawh rawh se!
Blog Archive
-
▼
2008
(150)
-
▼
November
(24)
- Aizawl-ah Prime Minister
- Darfeng Val
- Mizoram Supermodel 2008 contestant
- Aizawlah call centre
- Aw... mobile phone
- Aizawl-ah Rahul Gandhi
- Durtlang
- Chiahpuam pawisa
- Lei mawina, thinlai tihlimtu
- enge an tih le??
- Aizawl Kristian Book Fair organised by OM Books at...
- Aizawl District Handloom Fair 2008
- Chiahpuam motor threnkhat
- Chiahpuam Queen Muanpuii arrested
- Mister Mizoram 2008
- Tlanga Thlam
- Its Just a post
- Digifest-2008
- different ways of earning our livelihood
- Aizawl Eggroll master
- The Power of Grape Wine
- Irene of AIR
- Pu BK-a of LPS
- Aizawl khawpui chhungah Para-gliding
-
▼
November
(24)
Sitemeter
1 comment:
Mizoram wine produce hi eng variety nge hriat a va chakawm ve. A rawng atang khi chuan, dessert wine, thlum deuh fuk, lem awl deuh chi anih duh hmel.
Post a Comment